Tayammum Kya Hai || Tayammum Ki Fazeelatein || Islam Ki Bahar
Tayammum Kya Hai?
Tayammum Kisey Kehte Hai?
Hatheliyon
ko mitti par maar kar chehre aur haathon par pherne ko tayammum kehte hai.
Tayammum ki sahuliyat sirf ummat e mohammadia ko ata ki gayi hai. Iss se pehle
kisi ummat ko nahi di gayi. Isliye ke momin ko jab paani ki sahuliyat na ho uss
waqt tayammum (yaani mitti se wazu) kar sakey taake kisi haal mein ibadat na chooth sakey.
Al Qur’an:
Janabat yaani naapaki ki haalat mein bhi ghusl na kar lo, isliye ke tum musafir ho aur paani na miley
to tayammum kar ke namaz padh sakte ho aur agar beemar ho ya kisi safar par ho
ya tum mein se koyi qaza e haajat ki jagah se aaya ho ya tum ne aurton ko chua
ho, phir tum ko paani na miley toh iss haal mein pak mitti se tayammum kar lo, aur apne chehre
aur haathon ke (uss mitti se) masah kar lo.
(Surah Nisa: 43)
Hadees:
Allah ke Pyaare Habeeb Dana E Uyoob Sallallahu Alaihi Wasallam ne kaha ke"mujhe 5 cheezein aisi di gayi hai jo kisi ko nahi di jisme ek hai) Allah ne mere liye iss zameen ko masjid bhi banaya aur paaki haasil karne waala banaya hai"
(Sahi Bukhaari:335)
Tayammum Ka Tareeqa:
Hadees:
Do sahabi E Karaam Allah ke Habeeb
sallallahu alaihi wasallam ke paas aaye aur unme se ek sahabi ne kaha ki "Ya Rasool Allah Sallallahu alaihi wasallam “Safar ki halat mein mai janabat yaani napaki ki haalat mein ho gaya, paani na hone ki wajah se pure jism par mitti ko mal liya aur namaz ada kiya”
toh iss baat par pyaare aaqa sallallahu alaihi wasallam ne kaha ke "tere liye
itna hi kaafi tha"
Phir aapne
apne dono hatheliyon ko zameen par maara unhe phoonka aur apne chehre par phera
aur dono hathon par phera aur kaha tera tayammum mukammal ho gaya.
(Sahih Bukhaari:338)
Tayammum kab kiya jaa sakta hai
- Jab paani na ho uss haalat mein tayammum kar sakte hai.
- Koyi aisi beemari or majboori ho jisme paani istemal na kar sakte ho toh tayammum kar sakte hai.
Tayammum Kin Cheezon ke liye hota hai?
Tayammum wazu ke liye barabar hota hai aur ghusl ke liye bhi hota hai. Yaani ghusl aur wazu na kar paane ki haalat mein tayammum kiya jaa sakta hai.
(Sahih Bukhaari:338)
Tayammum kin cheezon se toot’ta hai?
- Har woh cheez jin se wazu toot’ta ho, unse tayammum bhi toot’ta hai.
- Jis shakhs ne paani na milne ki wajah se tayammum kiya ho aur bilyaqeen paani mil jaane par uss shakhs ka tayammum toot jaayega aur usay paani se wuzu karna hoga.
Note: Toh mere azeez dosto'n aaj hum ne tayammum ke silsile par aap se ye blog post mein muqtasar si baatein batayi hai. Umeed hai ke aap sab log acche tariqe se samajh gaye honge. Aap sab se adaban guzarish hai ke aap log iss post ko apne dosto'n mein share karein taakey deen ki islaah aur samajh haasil ho sakey. Allah Ta'ala hum sab ko Deen E Islam ka sahi maaina aur uski samajh ata karey. (Ameen)
Jazakallahu Khair
Comments